Rreth nesh

Where a mother’s love became a design story

Talja&mom lindi nga një dëshirë shumë personale: ajo për të krijuar veshje që më lejonin të ndaja me vajzën time, Talja, jo vetëm një stil, por edhe momente që do të mbeteshin kujtime.

Që në fillim, veshjet tona matchy nuk ishin thjesht një ide dizajni. Ato ishin pjesë e historisë sonë familjare. Shumë prej krijimeve që vishnim unë dhe Talja realizoheshin nga gjyshja e saj, e cila prej 25 vitesh ka ndërtuar eksperiencën e saj në fushën e modës. Pikërisht aty lindi bindja se një veshje e bukur ka një vlerë më të madhe kur pas saj ka dorë, përkushtim dhe histori.

From a personal passion to a brand

Si nënë, dëshiroja të ndërtoja një aktivitet timin profesional, pa hequr dorë nga koha dhe prania pranë vajzës sime. Dashuria për dizajnin, krijimin dhe veçanërisht për veshjet mother & daughter u kthye natyrshëm në një ide biznesi.

Kështu lindi Talja&mom — një atelier i krijuar nga një histori reale nënë-bijë dhe i ndërtuar mbi dëshirën për të krijuar diçka që ka kuptim përtej një veshjeje.

More than matching clothes

Ne besojmë se veshjet mother & daughter nuk kanë të bëjnë vetëm me të veshurit njësoj.

Ato janë për ditët që duam t’i kujtojmë. Për një festë, një udhëtim, një fotografi, një ditëlindje apo edhe për ato momente të zakonshme që vite më vonë bëhen ndër kujtimet më të çmuara.

Prandaj çdo krijim Talja&mom është menduar si pjesë e një historie — një veshje që mund të vishet sot, por të mbetet pjesë e kujtimeve për shumë vite.

Made with intention

Në Talja&mom, cilësia fillon që në përzgjedhjen e materialit dhe vazhdon në çdo detaj të krijimit.

Koleksionet dhe krijimet tona realizohen me fokus tek prerja, përshtatja, përfundimi dhe detajet artizanale. Për krijimet made-to-measure, çdo veshje përshtatet sipas matjeve individuale, ndërsa për projektet bespoke, dizajni zhvillohet në mënyrë të personalizuar sipas dëshirës dhe karakterit të klientit.

Për ne, një veshje e mirë nuk është ajo që thjesht duket bukur. Është ajo që është menduar me kujdes, realizuar me përkushtim dhe krijuar për t’u mbajtur me kënaqësi.

Our signature

Talja&mom bashkon tre gjëra që janë në zemër të markës: lidhjen nënë-bijë, eksperiencën e trashëguar në modë dhe pasionin për dizajnin.

Nga një ide e lindur mes një nëne dhe vajzës së saj, Talja&mom u shndërrua në një atelier ku veshjet krijohen për të bërë më shumë sesa të kombinohen — për të lidhur njerëzit, për të ruajtur momente dhe për t’i kthyer ato në kujtime që vishen.